Sápmi

Javascript är avstängt

Javascript måste vara påslaget för att kunna spela video
”Letne dahkan dán ovttas”, dadjá Helena Isaksson. Foto: SVT

Sïjjah giälub rupttijde välddh guh sïjjan äjttegh idtjen ådtjuoh nålggasit

Uppdaterad
Publicerad

Ubmejesámien guh leä adnáme vargij muarruot leä tjuanakijde ådtjuome. Gulmma jábien dáhta rájieste Ubmejesámien kursub älggh guh uvddal vahkkuon nühkkh jah dállie luhkkie villie almatjh árggagiälub mähtten bruvkkat.

– Dáhta leä ájnas, leä muv fuölkien giälla jah muv vájmmuogiälla, Simon Forsmark, kursan seäbbrije jahttá.

Kurssa, Sámien guavdátjen tjarra lij guvtta termijnh jah måddásij miälan mehte lussade lijjen.

Giälla sïjjan äjttegh leäh stäggetuvvame liärrat dállie sïjjan lahttasub máddarisse sjaddá.

– Alvvajis stuarra dubddije, ájnas dubddije, Helena Isaksson jahttá guh lahkka suv guvttaluhkkade riägadisbiejvien älgij giälub liärrat.

Buördiene leä báhpierbïhttáh, pronomen jah lussas viärbij såjjadiebmij bïjrra. Simon jah Helena gåbbátjahkkh Bergnäs´ste båhtieveägan valla dállie Ubmejisne urruoveägan.

– Mïjjah liehpie akttane viäjjáme, Helena jahttá.

Giällabiesijde rávkkaveägan

Siärra båddah gåssie leäh gávnadamme jah giälub nålggaseäh leäh ájnas sjaddame. Güjt leägan uvmassie györddame ukttagubse hiäjmane gåbbátjahkkh adnieveägan leä ájnasummus hållat jah giälub guvllat. Jah jiänabe ájáj leäh álggieminne ubmejesámien giälan gujkka gávnnat.

– Leä lussade jahttiet man gallásh hüllh dan dehte gájkah giälub uvdiedit jïjtjijsa vuögiene.

Valla dájráb jiänabe sïjtth liärrat, guh mïjjah liehpie dahkkaminne, Helena Isaksson jahttá.

Veärbbagirjjie vargij båhtá

Uvddal vahkkuon Gávtjávriene gelledijjen jah kursan examenub gïhppagáhkuoj åjllastijjen.

– Huv suahtas dubddije valla dállie giällabarguob álggá, Simon Forsmark jahttá.

Jïjtja galggá suv giällabarguob jårkkiet guh liäratïjjá Liksjuone, interniähtan tjarra mánátjijde giälub liäratit. Sådna áj girjijgüjme barggá. Miŋŋiele dannie jábien veärbbagirjjie jah ájáj girjjie giällaliärruomen bïjrra bühth ulgs.

Jiänabe suv fuölkiene majddie áj ussjadh sïjjan máddarij giälub liärrat.

– Mïjjan liäratïjjá Sara-Helén Persson leä alvvajis åvduos bargguo dahkkame, mïjjah liehpie dan ávuone, Helena Isaksson jahttá.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.