Njukčamánu gaskkámuttu ozái Tåssåsen čearru sierra bivdolobi geatkái mii leai sin dálveguohtuneatnamis Frägnbergetis.
Ohcamušas čállet ahte vaikko lea buorre guohtun de leat bohccot vázzán ipmašit. Sii árvvoštallet ahte geatki lea oaguhan bohccuid.
Čearus leat maid maŋemus áiggi gávdnan ovcci háska maid jáhkket geatki speadjan.
Leanastivra lea dál addan sierra bivdolobi njukčamánu 26 beaivvi rájes gitta cuoŋumánu 8 beaivái. Bivdoguovlu lea Rätanis gitta Överhogdalii.