Sápmi

Sara-Elvira Kuhmunen, Sáminuora ságadoalli. Foto: Anne-Laila Blind Petersdotter, Sameradion

Sara-Elvira Kuhmunen joatká Sáminuora sátnejođiheaddjin

Publicerad

Sara-Elvira Kuhmunen lea ođđasit válljejuvvon Sáminuora searvvi sátnejođiheaddjin. Dasto sus lea luohtámuš njellját mandáhttaáigodahkii.

Mannan vahku čoahkkanedje čuohtenár nuorat Dearnái go Sáminuorra dolai jahkečoahkkima ja nuoraidkonferánsa.

Čoahkkimis válljejedje Sara-Elvira Kuhmusa ođđasit Sáminuora sátnejođiheaddjin.

-Dat lea hui somá ahte beasan joatkit iežan barggu. Mii áigut bidjat návccaid min ođđa strategiijaplánai, doaibmaplánai ja daid politihkkalaš áššiide mat guskket nuorra sápmelaččaid dego ruoná nuppástus ja sápmelaččaid iešmearrideapmi, son dadja Sámirádioi.

Kuhmunen ožžo dasto luohtámuša láidet Sáminuora njellját mandáhttaáigodagas.

-Hálidan joatkit sátnejođiheaddjin vai sáhtán joatkit dainna barggun maid mii leat álggahan, ovddástit sámi nuoraid ja bargát dan ovdii ahte min jietna gullo arenain gos ii leat ovdal gullon ja dieđusge joatkit áššiiguin maid leat álggahan.

Sáminuorra organisášuvdna álggahuvvui 1963 dego nuoraidsearvi Ruoŧa Sámiid Riikkasearvvi (RSR) vuolde. Muhto 1970-logu rájes dat lea leamašan iehčanas organisášuvdna.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.