Sápmi

Oslove bormeašttir Anne Lindboe hálida oaidnit sámi leavggaid almmolaš johtolagas Sámi álbmotbeaivvi. Foto: Terje Pedersen

Bormeašttir evttoha sámi leavggaid Oslove almmolaš johtolagas

Uppdaterad
Publicerad

Sámi álbmotbeaivi galgá leat eanet oidnosis Osloves. Dan oaivvilda gávpoga bormeašttir Anne Lindboe. Son evttoha ahte sámi leavga galgá oidnot gávpoga almmolaš johtolgagas.

Bearjadaga, Miessemánu 17 beaivve, lea Norgga nášunálá beaivi. Dat lea hui oidnosis ežarret iežá Osloves gos Norgga leavggat oidnojit almmolaš johtolgas nugo bussiin ja gáhtavovnnain.

Dal hálida Oslove bormeašttir Anne Lindboe ahte Sámi álbmotbeaivi, Guovvamánu 6 beaivvi maid galga čalmmostahttot gávpoga almmolaš johtolagas dás ovttosguvlui.

– Sámi kultuvra lea oassi min oktasaš kulturárbbis. Oaivegávpogis fertet čalmmostahttit sámi Oslove, dajá Lindboe NRK Sápmái.

Dal son evttoha ahte galgá levget sámi leavggain Guovvamánu 6 beaivve.

– Dasa lassin hálidan ahte mis galgá leat sámi dáidda gávpotdálus go ávvudit dálu 75-jagi beaivvi boahtte jagi, dadjá son.

Bormeašttira mielas lea čielggas ahte Duohtavuođa- ja seanadankommišuvnna ráporta čilgasit čájeha ahte sámi kultuvra ferte beassat eanet oidnosii.

Danin son lea sádden evttohusas ealáhuslávdegoddái mii mearrida levgemiid bussiin ja gáhtavovnnain oaivegávpogis.

Mannan jagi oážžui Oslo virggálažžat sámi naman Oslove. Muhto Stáhta kártádoimmahaga jelgii ii leat namma dohkkehuvvon almmolažžat.

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.