Sápmi

Javascript är avstängt

Javascript måste vara påslaget för att kunna spela video
Samiska politikern Marita Stinnerbom (C) tror på mer aktivism i framtiden. På bilden bärs svenska Greta Thunberg bort vid Fosen-demonstrationen i Oslo. Foto: Javad Parsa och SVT

Dikkit ja aktivisttat ovddidit sámi áššiid eanet go politihkkárat

Uppdaterad
Publicerad

Politihkálaš barggut eai ovddit sámi áššiid. Máŋga dovddus áššit čájehit ahte go sápmelaččat lea dikkiide áššiid ovddidan dahje miellačájehemiid boktede leat áššit rievdan.

– Ferte measta diggái mannat jos galgá olahit maidege, lohká Dálmmá sátnejođiheaddji Aslak Allas sáddenbaji vuosttas  ”15 minuter från Sápmi” prográmmas.

Maŋimuš jagiid leat máŋga ášši Ruoŧa ja Norgga Alimus duomostuoluin mearriduvvon máŋga ášši, main sámiid vuoigatvuođat leamaš stáhtaid vuostá. Muhto vuoitu duomostuolus ii mearkkaš, ahte áššit ovdánit.  

Fovsennjárgga bieggafápmorusttegat Norggas lea maŋimuš ovdamearka. Millut ain leat jorramin bealnnut jagi maŋŋá duomu, váikko Alimus riekti celkkii huksemiid lobiheapmin.

Miellačájehemiid geažil šadde mieđihit

Muhto politihkkárat váldit ášši easkka maŋŋá stuorra miellačájeheamiid Oslos. 

– Manin dat lea nu lea váttis čilget. Soaitá danin go váldoservodagas ii leat diehtu sámiid birra, lohká jurista Ande Somby prográmmas.  

Dálmmá čearru lea golbmii váidán stáhta ja lea guktii vuoitán. Čearru lea váljjen lágasteami ovdalii politihka, go lágasteamis čielggaduvvojit áššit. 

– Stáhta háliida váldit buohkaid vuhtii davvin, ja dalle eai mieđit sámiide makkárge vuoigatvuođaid, dadjá sátnejođiheaddji Aslak Allas. 

”Boahtteáiggis eanet aktivisma”

Sámi politihkkár Marita Stinnerbom (G) Vualtjeres jáhkká, ahte maiddái Ruoŧa bealde oaidnit eanet aktivisma boahtteáiggis.

– Dárbbašuvvo veaháš aktivisma vai oidnet ahte stáhtat rihkkot olmmošvuoigatvuođaid, dadjá son prográmmas. 

Oslo miellačájeheaddjit ožžot veahki maiddái beakkán ruoŧŧelaš aktivista Greta Thunbergas.

– Mun jáhkán, ahte Greta Thunberg ovddasta Ruoŧa boahtteáiggi jiena ja Ruoŧas lea olmmošlaš vuoibmi ja vejolašvuođat. Mun vuorddán, ahte dat beaggá dál, lohká jurista Ande Somby. 

Geahča ”15 minuter från Sápmi” lávvardaga SVT2:s diibmu 16.05 dahje SVT Playas.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.