Son lea vuoitán sihke Talang ja Let`s dance gilvvuid. Muhto eatnašat dovdet su Melodifestivala bokte. Dál go son njealját geardde searvá, de lea juo hárjánan artista ja oasseválddiid gaskkas – son boahtán nubbi ja goalmmádin ovddit gilvvuin.  

Dán giđa lávlla lea várra dat mii lea eanemus persovnnalaš. Lávlaga ”Where you are(Sávežan)” lávlu son ARC North`in ja Adam Woodsain. 

– Dát lea ráhkesvuođa birra, mii dárbbašat eanet ráhkesvuođa dán máilmmis, lohká Jon Henrik Fjällgren. 

Dat lea su nieidda oktavuođa birra.  

Dat lea Lávlla lagašvuođa birra, ja dat lea botkekeahtes lagasvuođa birra ja dat lea su ráhkisvuohta iežas 2 jagáš niidii Elle Sávii. 

– Go máná oažžu, de šaddá hui nana oktavuohta, muitala Jon Henrik ja joatká: 

– Go moai deaivvadetne, de son ádde mu dovdduid ja mun fas su, dego son livčče rávis olmmoš, dat lea hui suohtas.  

Lávlagis lea viidát mearkkašupmi, oaivvilda Fjellgren. Dat lea buot máilmmi mánáid várás – sii leat min boahtte áigi.  

Ii lean áigumuš searvat.  

Jon Henrik Fjellgren gilvala vuosttas gilvvus, mii dollojuvvo Göteborggas guovvamánu 4 beaivvi. Muhto sus ii leamaš ulbmil searvat Melodifestivalii.  

– Mun in leat smiehttan ahte galggašin searvat, muhto mu joavku lea oalgguhan mu. Dasto oainnán digaštallamiin ahte olbmot váillahit mu, ja olmmoš gal dan, himáhallá Jon Henrik Fjällgren. 

ja joatká: 

– Olmmoš háliida gullat ahte olbmuin lea jáhkku sutnje. Go mus ii leamaš jáhkku alccen. Go gulan dákkáriid, dei iešdovdu šaddá buoret ja háliida juoga láhkái giitit.