Njála seailundoaibmabijut orru leamen lihkostuvvamin. Jagi 2022 riegádedje 164 njálačivgga, ja mii lea ođđa olahus lohkamiid álggaheami rájes 30 jagi áigi dassái. 

Njálla livčče jáhkkimis jávkan davvi riikkain, jos eai livčče álgán seailluhandoaimmaiguin, lohká professor Anders Angerbjörn, gii álggahii ruoŧa njálaprošeavtta 30 jagi áigi. 

– Davvi riikkain ledje jagi 2000  vel birrasii 50 rávis njála. Dál leat sullii 500 njála, ja mii sáhttit čevllohallat dainna, lohká son. 

Angerbjörn ii lean vuordán ahte jagi 2022 šattašii njállaolahus, mii lea hui sorjavaš iežas váldobiepmus – goddesáhpániin .

– dat ii leamaš buorit goddesáhpánjagit, mun lean veaháš hirpmástuvvan. Muhte lohká iežas hui ilus. 

Videos muitala son Anders Angerbjörn, mii váikkuha njálanáli hivvodaga.