Lieggasat dálkkádat dagaha, ahte jieŋat suddet ja nu badjána mearra. Dássážii lea juo badjánan 20 cm ON:a dálkkádatpanela IPCC dieđuid mielde. IPCC AR6 almmuha vuossárgga čoahkkáigeasu guđa raporttas maid ON lea 2018 rájes almmuhan.
Loahppaboađus lea, ahte máilmmi gaskamearálaš temperatuvra lea badjánan 1.1 cehkiin ja sivvan lea olbmuid dagahan dálkkádatgássaluoitimat mat leat lassánan.
Suddá jođáneapput
Ruonáeatnama jiekŋa asehuvvá dađistaga, Antarktisa jiehkit suddet ja measta buot váriid jiehkit leat jávkamin. Ja jieŋat suddet ain jođeaneappot.
Videos oainnát man ollu mearra lea badjánan ja maid mearkkaša riikkat joksetgo dálkkádatulbmiliid. Ja mii lea Antarktisa vearrámus dáhpáhus, mas dutkit ballet eanemus.