Natalie Carroin maid atná dan stuorra gudnin, gii ieš lea oassálastán Sámi Grand Prix:s Guovdageainnus   

– Saddá hui somá!  

Diibmá oassálasttii Natalie Sámi Grand Prix go dat sáddejuvvui NRK:s ja SVT play:s, NRK sáddii sámi mello olles Norgga álbmogii, muhto SVT tablåas ii gávdnon dat.   

– Dat leat nu ollus geat eai ádde Sámegiela. Dál moai galge kommenteret Sámi Grand Prixa ruoŧagillii ja dasto olahat mii ollu eanet geahččiid.  

Natalie bálddas lea William Stenvall Zetterström, dovddus Sámiradios. Soai eaba leat deaivvadan ovdal, muhto leaba mánusa čállimin juo.  

– Dat galgá leat veahá guoimmuheaddji. Dál beasan geahččalit juoidá maid ovdal in leat dahkan, man anán dan stuorra gudnin, lohká William, gii lea finadeamen Ubmis, muhto son ássá Staares.   

Dat geat juohke jagi čuvvot SGP, de lea dat jahkásaš dáhpáhus beassášlávvardat eahkeda. Muhto dat gii vuosttas geardde oaidná dan, de das lea juoigan- ja lávlunoassi, guokte iešguđetge gilvvu. Artisttat, mat almmuhuvvo moatte vahku áigi, bohtet miehtá Sámi.    

– Mun ráva daidda geat oassálastit ahte galget navddašit ja dahkat dan masa leat čeahpimus, go dan oaidná TV:s, dadjá Natalie, ja geas let buorit muittut njuožilis lágideamis diimmá beassážiid.   

Eai buohkat gávdnan sáddaga SVT playas diibmá ja dat geat eai máhttán davvisámegiela, eai ádden ollus maidege sáddagis.   

– Dál gal galget olbmot áddet, moai áigo mieđuštit geahččiid musihkkariemuide, lohpideaba soai   

Guldal Natalie ja Williama dás bajá bealde