Earret eará leigga dáiddár Tomas Colbengtsson ja dánsu ja koreográfa Liv Aira doppe. Liv Aira dánssui ja son lohká ahte lea hui suohtas leat doppe. Ii dušše dánsut, muhto go beassá deaivvadit eará dáiddáriiguin ja besset digaštallat iešguđetge dáiddalaš beliid. Lei maiddái miellagiddevaš gullat digaštallamiid iešguđetge dáidagiid birra.

Kulturdeaivvadeamis lei lávdeságastallan, okta gii lea mielde das lei dáiddár Tomas Colbengtsson. Son muital ahte ulbmil kulturdeaivvademiin lei gulahallat Ruoŧa eiseválddiiguin ja gulaskuddat áigut doarjut sámiid ja sámi dáidaga. Muhto ii oktage eiseváldi lean boahtán deaivvadeapmái, muhto ovddeš sámeminister Amanda Lind gal leai boahtán ja duohtavuođakommišuvnna lahtut serve deaivvadeapmái.