Kroa nammasaš restoráŋŋas Longyearbynis heaŋgájit assás olgobiktasat bevddiid gaskkas. Olgun lea gis seavdnjat ja .
Skábma lea eiddo álgán ja beaivváš ii šat iđe máŋgga mánnui. Bárabeavddi duohken heaŋgá Ukraina fiskesalit leavga.
Rrestoráŋŋahoavda Zandra Zadewasser loktesta leavgga ja dan duohken lea vilges Lenin bázzi, gii lei ovddeš Sovjetlihtu jođiheaddji, mii leamaš Barentsburgas. Ovdal soađi lávejit turisttat govvet dan.
– Muhto de oaččuimet Ukraina leavgga muhtun bearrašis, geat orrot dáppe, ja mii háliideimmet čiehkat bácci, muitala Zandra Zadewasser.
”Váttisvuohtan”
Svalbárddas leat guokte stuorát báikki gos orrut olbmot, Longyearbyn ja Barentsburg, maid Ruošša stáhtafitnodat Arktigol oamasta. Olbmuin dán guokte gilis leamaš buorre oktavuohta, maiddái galbmasoađi áiggi ja go Sovjetlihttu gopmánii.
Go Ruošša fallehii Ukraina, de rievddai dilli. Oktavuohta šattai vel heajubun go Visit Svalbard botkii ovttasbarggu Ruošša stáhtafitnodagain, ja dasto Barentsburgain.
– Dat váttis buohkaide, muhto dát lea moralalaš mearrádus, čilge Visit Svalbard sátnejođiheaddji Ronny Strømnes.
Longyearbyn norgalaččat dorjot mearrádusa. Ollus dorjot Ukraina, muhto háliidit doalahit buori oktavuođa olbmuid gaskkas.
Hearkkes ášši
Visit Svalbard lea ožžon áitagiid.
– Okta stivralahttu oaččuid dovdameahttun gáldus sms áitaga, ja áitta lei heajos eaŋgalasgillii čállojuvvon. ”Ále fal gátte ahte don leat ipmil dahje buoret go earát. Várut fal gosa manat.”
Barentsburgas eai hálit dadjat ollus maidege dán dili birra.
– Dál lea váttes dilli, muitala Tatijana Betjer, gii lea Barentsburgga skuvlla rektor
– Muhto lea dehálaš doalahit oktavuođaid ja dahkat dan maid sáhttá vái olbmuin lea ain oktavuohta.