Muhtin mánát háliidit šaddat rohkkanástit ja iežat fas astronávttat. Julian Erssson lea álot háliidan šaddat boazovácci ja dál lea su niehku ollášuvvan. Julian oaččui mearka oasttit vuorrasit dievddus Bajitdurnosis mii manái ealahakii.
– Mon lean unnodaga rájis čuvvon iežan olbmáid, ja ii mihkkege lea nu somá go dát. Dan rájis go vaccen gaskadásis lean mon seastán vai sáhtán mearka oasttit, muitala Julian.
”Buot somámus”
Julian ii galgga olles áiggi bohccuiguin bargat, muhto dalle go sáhttá.
– Gaskaijabeaivvadagas olbmaiguin gállit jeakkkis lea measta buot buoremus ja maid hui somá.
Julian lea measta olles áiggi meahcis. Earret boazomeahcis de son maid bivdá ja guolásta. Muhto sus lea vel ollu oahppat.
Mon ožžon iežan olbman unna girjjáža mas leat sánit maid ferten oahppat. Dál ii leat iežá go hárjehallat sáme- ja suomagiela ja meänkieli, boagusta Julian.