Biktasat mat leat oaidnin ládje Göteborga Máilmmikulturmuseas leat ovdamearkka dihte bieggareaddju mas lea iđitnásti, sastegápmagat mat leat 100 jagi boarrásat ja assás fiskes buser. Native American Fashion lea čájáhus Davvi-Amerihká eamiálbmoga bivttashábmejeaddjiin.
– Biktasiin dáppe leat symbolat mat oahpistit vissis geográfalaš guvlui, dadjá hábmejeaddji Steve Tamayo, Sicangu lacota.
Čájáhus govvida njeallje fáttá mat leat giehtaduoji, árbevieruid, symbolaid, materiálaid, teknihkaid ja identitehtaid vuođul. Okta dain 36 hábmejeaddjis guhte searvá čájáhussii lea Dante Biss-Grayson, Osage, ja son háliiida čalmmustahttit eamiálbmotnissoniid geat láhppojit dahje goddojit Amerihkás.
– Olmmoš sáhttá juogo hupmat áššis dahje juoidá dahkat. Bivttasvierru lea šaddan vuohki čájehit dovdduidan, čalmmustahttit váttisvuođaid ja sávvamis boktit beroštumi, dadjá son.
”Ferte čiekŋudit”
Muhtin bivttashámit leat váldon iežá kultuvrrain ja leat ovdánan buolvvas bulvii. Bonita Woodie, diné/navajo, leai vuosttaš eamiálbmothábmejeaddji Amerihkás guhte čájehuvvui 1990-logus Milan Fashion Week. Son lea ráhkadan allaáiggálaš čuvlla čájáhussii.
– Čuvlla duogáš lea ahte galgá dan veardde guhkki leat ahte olle eatnamii, mii govvida ahte čuvla herve eatnama. Dát ii leat mu kultuvrra árbevirolaš bivttas nu ahte mon lean bivdán lobi dan hábmet.
Son oaivvilda ahte lea deaŧalaš ahte bivdit lobi danin go biktasiin oaidná gii don leat ja gosa leat gullevaš.
– Muhtin veagain leat iežas ivnnit ja girjjit mat muitalit sohkahistorjjá. Danin ferten čiekŋudit vai sáhtán hábmet daid biktasiid.
Háliida fievrridit árbbi boahtte bulvii
Máŋga bivttashábmejeaddji leat guhká bargan hábmejeaddjin. Patricia Michaels lea haute couture hábmejeaddji ja leai maid vuosttaš eamiálbmot Amerihkás guhte searvvai Projekt Runway tv-prográmmii.
– Go boahtá deike, de šaddá vuollegaš danin go mis buohkain lea eamiálbmothistorjá ja muitalusat leat hui dehálaččat. Min máttut dáistaledje ja dál fertet mii doalvut árbbii viidáset boahtte bulvii.
Čájáhus lea vejolaš oaidnit skábmamánu 2026 rádjái.