Javascript är avstängt
Mánáid stoahkanbáiki šattai sámi giellaarena: ”Nu suohtas”
Bohkosat, juolggit mat vihket ja sámegielat gullojit juohke guovllus go nuoramus mánát čoahkkanit Sámástit ja Labudit Johkamohkis.
Mánáide lea dát stoahkan ja lihkadeapmi ja vánhemiidda gis servvoštallan ja giella.
– Mánát besset viehkat, lihkadit ja haskat seammas go sii sámástit vánhemiiguin, dadjá Katarina Inga.
Mánát geat čoahkkanit oktii vahkkui, leat guđe jahkásaččat ja nuorabut. Sii leat čoahkkanan dohko lihkadit ja suohtastallat ovttas ja seammas hupmat sámi gielad.
– Doppe beassá gullat buot gielaid seamma báikkis ja ovttas servviin, ja dat lea nu somá, lohká Katarina Inga, gii lea doppe máná guoktáin Rásten ja Elin-Ávran.
Davvisámegiella
”Somá servvoštallat”
Sámástit ja Labudit lea ovttasbargu gaskal Polcirkelgymnasterna ja Johkamohki sámesearvvi. Lanjas gos sii deaivvadit gávdnojit earret iežá seaidneráidárasat, rieggát, assás láhtteránut ja stuora spáppat
Buot dát lea mánáid dihte vai besset duhkoraddat ja motorihka ovdánahttit.
-Lea somá servvoštallat, vánhemat maid besset deaivvadit ja hupmat sámegiela gaskaneaset, ja lea somá oaidnit buot mánáid stoahkame ja sámásteami gaskaneaset, muitala Inga.
Sámegielat arena
Arenat gos sámegiela sáhttá geavahit, lea dehálaččat giela ovddideapmái ja seailluheapmái. Sámástit ja Labudit addá lunddolaš báikki gos sihke mánát ja váhnemat sáhttet geavahit gielaset.
Muhto njeallje jahkásaš Ráste gal diehtá mii su mielas lea somá.
– Viehkat, dadjá son, ovdal go mikrofovdna rievdá gomuvuođarakeahttan.
Relaterat
Så arbetar vi
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.