Giđđat 2020 mearridii Eanan- ja birasbadjeduopmostuollu ahte son guhte ii beasa njeaidit meahci mii lea lahká duoddariid sáhttá oažžut 125 proseanta ekonomalaš buhtadussan márkanárvvus.
Dat dagai ahte njeaidinohcamušat loktanedje sakka. Meahccestivra fertii bissehit olu bargguid vai galge sáhttit meannudit ohcamušaid. Máŋgii leat meahcceeaiggádat ohcan njeaidinlobi vaikko eai duođas leat jurddašan njeaidit meahci, beare dan ekonomalaš buhtadusa dihte.
Jođáneappot proseassa
Vai galget oažžut álkibut ja jođáneappot proseassa de leat dál ráhkadan sierra luonddugáhttenšiehtadusa meahcceeaiggádiidda geat háliidit suddjet sin duottarmeahci.
– Duottaršiehtadus bistá 50 jagi ja addá 80 proseanta márkanárvvus buhtadusas, dadjá Lars-Eric Ericsson. Dat lea eanet go dábálaš luonddugáhttenšiehtadus.
Ožžot joatkit geavttit meahci
Šiehtadusat addet ain vejolašvuođa geavttit meahci. Ovdamearkka dihte murret dahje hukset una stobu.
Lars-Eric Ericsson lea dál bargame riikka vuosttaš duottaršiehtadusain ovtta eananeaiggádii Ljundalenis.
– Son lea ohcan lobi njeaidit, muhto áiggui ohcat šiehtadusa dan sadjái.