Sápmi

Javascript är avstängt

Javascript måste vara påslaget för att kunna spela video
Jessika Allas (t.v) är en av dem som arrangerar demonstrationen som bland annat Greta Thunberg (t.h) väntas medverka på. Foto: SVT/Pavel Golovkin, AP, TT

Čearu nuorat ja Thunberg vuosttaldit ovttas ođđa ruvkeálggahemiid

Uppdaterad
Publicerad

Lávvordaga galget Gabna ja Laevaža čearut ovttas “Fridays for future” organisašuvnnain demonstreret Gironis sisabahkkemiid vuosttá. 

– Min nuorra jienat fertejit maid beassat gullot, dadjá Jessika Allas SVT Sápmái.

Miehtá Sámi leat guohtuneatnamat šaddan addit saji ođđa ruvkedoaimmaide, bieggamilluide ja eará sisabahkkemiidda.

Borgemánu 26 beaivvi bohtet Gapna ja Laevaža čearu nuorat ovttas “Fridays for future” organisašuvnnain čoahkkanit Girona ođđa guovddážii, demonstreret sisabahkkemiid vuosttá. Seammás bohtet maid doallat muitoseremoniija eatnamiid ovddas mat leat juo láhppon ruvkedoaimmaid dihte.

Min nuoraid dihte

Jessika Allas lea okta dain gii lágida miellačájáheami.

– Lea min nuoraid dihte ja sidjiide geat bohtet min maŋŋel, nu ahte sis leat eatnamat gos sáhttet johtit bohccuiguin. Muhto maiddai olbmuide  geat háliidit leahkit luonddus.  

Son vuordá eanemusat čuohtenár miellačájáheaddjiid čoahkkanit lávvordaga. Greta Thunberg maid galgá searvat ja lágideaddjit leat maiddai bovden demonstranttaid Norgga ja Suoma bealde, ja ránnjá čearuid.  

– Min nuorra jienat fertejit maid beassat gullot, dadjá Jessika Allas.

Vurdojuvvo ráfálás miellačájáheapmi 

Miellačájeheaddjit leat ohcan lobi poliissas geat leat ráhkkanan vuostálastiide. Sii bohtet aŋkke searvat juoga ládje  dadjá Anders Larsson, sadjásaš guovllu poliisahoavda Lapplanddas.  

Miellačájaheaddjit dadjet ahte lea ráfálaš miellačájáheapmi ja áigot čuovvut  daid njuolggadusaid mat leat.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.