Sápmi
Servvodatberošteaddji Áslat Holmberg lea movttet ON´a nállevealheami komitea čovdosiin. Foto: Vesa Toppari, Yle

Suopma lea rihkkon ON:a nállevealaheami soahpamuša

Publicerad

Ovttastuvvan našuvnnaid nállevealaheami komitea čovdosa mielde Suopma lea rihkkon nállevealaheami vuostásaš riikkaidgaskasaš soahpamuša, go leat dohkkehan olbmuid Sámedikki válgalogahallamii válgalávdegotti oainnu vuostá. – Lea movttidahtti ahte doppe bohtet ná nana sánit, dadjá servvodatberošteaddji Áslat Holmberg Yle Sápmái.

Jagi 2015 Suopma dohkkehiii olbmuid sámedikki válgalogahallamii. 2016 vuolláičálle 23 olbmo váidaga ON nállevealahankomiteai, ja dal guhtta jagi maŋŋel komitea lea boahtán čovdosiin.

Ávzzuha álggahit ráđđádallamiid

Nállevealaheami vuostásaš komitea ávžžuha dal ahte Suopma jođáneamos lági mielde álggaha albma ráđđádallamiid, vai sámediggeválggaid jienastanvuoigatvuođa kriterat meroštallojuvvojit nu ahte dat gudnejahttet sápmelaččaid iešmearridanrivttiid.

Komitea ávžžuha maid ahte dárkkistit sámediggelága goalmmat paragráfa, mii guoská sápmelašmeroštallamii.

Movttet čovdosiin

Servvodatberošteaddji Áslat Holmberg lei okta sis gii vuolláičálii váidaga ja son lea movttet čovdosiin ja sávvá ahte čovdosis leat váikkuhusat maiddái sámediggelága ođasmahttimii.

– Miehtá Sámi olbmot oidne dan prinsihpalaš mearkkašumi, ahte mii galgat ieža mearridit min álbmotovddastanorgánaid, dadjá Áslat Holmberg.

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.