Njealle čearuláhttu áššáskuhttojuvvo roaves bivdorihkkumis 2019 maŋŋá go bivde biertna suodjalandihte boccuid. 

Lea jahki gollán go vuosttaš gerregat dollijuvvo muhto dan šadde botket go ođđa ákkat bohte ovdii šiehtadallamis. 

Dule čakčat jotkojuvvo gerregat ja skábmamánu 23 b. loahpahuvvo šiehtadallamat Luleju diggegottis. 

Áššeguoddi Christer Jarlås meidne ahte guokte biertna leat báhččon beroškeahtta vuhtiiváldit suodjaluseavttuid ja danin galga vearredahku dubmejuvvot roaves bivdorihkkun. Son in mearran fáŋgavuođaráŋggáštusa. 

– Dá leat olbmot geain leat bissuid rivvon guhkit áigái ja mat eai leat beassan iežase barggu hoidat. Dán maid ferte vuhtii váldit. 

Go lea sáhka roaves bivdorihkkumis de dávjá šáddet vearredahkkit fáŋggas čohkkát muhto ii fal dán háve. 

Áššedovdi Lisa Länta mii bealušta ovtta dain vearredahkkiin čujuha ahte čearuin lea riekti mearridit suodjalusbivddu dárbbu jelgii. 

– Dát áššáškuhttin galga higojuvvot, dadja Länta P4 Norbottenii. 

Duopmu vurdui boahtit diibmu 14 duorastaga, muhto lea dal maŋŋiduvvon ja boahtá bearjadaga seamme áiggi.