- Gaskavahku lei vássán juste guokte jagi dan rájes go Norgga Alimus duopmostuollu dubmii ahte riika stuorimus bieggamillopárkka rihkko olmmošvuoigatvuođaide go lea huksejuvvon gasku boazoeatnamiid Fovsenis. Dan rájes lea norgga ráđđehus diktan bieggamillopárkka leahkit das mii lea dagahan stuora vuosttildemiid
- Sámi nuorat leat boahtán Osloi máŋga busselásttaiguin čájehit miela.
- Gaskavahkku iđida sii giddejedje Karl Johan geainnu ja bidje ođda nama dasa, Elsa Laula geaidnu, nammaduvvon mannjel sámi aktivistta ja politihkkára Elsa Laula Renberg. Sulli guoktelot miellačájeheaddjit sirde maiddai Stuoradiggái. Go ledje čohkkan das lagabui logi diimmu ja biehttalan vuolgit de bohte poliisat ja gudde olggos miellačájeheaddjii.
- Duorastaga ledje miellačájeheaddjit bidjan iežaset virjiiguin gitta ja gidden visot uvssaid Statkraft fitnodahkii, man stáda eaiggáda ja mii maiddai lea Fosen Vinda váldooamasteaddji ja jođiha bieggamilluid Fovsenis.
- Seammás dieđihii oljju- ja energiijaministtar Terje Aasland ahte soabadanproseassa lea álggahan muhto ahte sii eai boađe gaikkodit bieggamillorusttegiid. “ Gaikut visot bieggamilluid Fovsenis dal, maid aktivisttat gáibidit ii boađe dáhpáhuvvat”.
- Fitnodaga bargit ávžžuhuvvojedje bargat ruovttus ja fitnodaga konseardnahoavda Christian Rynning Tønnesen deaivvadii maiddai máŋga miellačájeheaddjiiguin ja vástidii sin jearaldagaide. Maiddai Greta Thunberg searvvai miellačájehemiide.
- Bearjadat iđida jotke miellačájeheamit ja sii bidje fas ođđasit iežaset virjiiguin gitta, olggobealde oktiibuot oktanuppelohkái departemeanta, earet iežá Finánsadepartemeanta, Oljju- ja energiijadepartemeanta ja Dearvvašvuođa- ja fuolahusdepartemeanta. Poliisat álge 10.30 áiggi álge poliissat guoddit eret miellačájeheaddjiid.