Anárlaš joavku Indigenous Bastards leat ráhkadan gaskaoasi musihka.

Sii lávlot sihke davvi-, nuortalaš- ja anárašsámegillii.

– Sii leat váhtán musihkavideo ja lean gávdnan nu fiinna joavku mainna beasan ovttasbargat. Mon lean gullán lávllu maid sii leat ráhkadan ja dat leai hirbamt buorre, losses ja mas lea hui ollu energia, muitala bagadalli Viktor Lindgren.

Muitalusas lea joavku giddagasas

Bođii dakkaviđe millii makkar musihkavideo galga ráhkadit.

– Mii leat bádden regiuvnnabuohcciviesu gealláris ja dain katakomberiin ja orro hui balddonas

Musihkkavideo muitala ovtta joavkkus mat leat giddagasas ovtta ásáhusas muhto besset gárgui. Go viimmat ollejit olggoobeallái de auktoriteahtta vuosttáiváldá sin ja sii dánssejit dassážii go dat vierrala.

– Dalle sii vuodjájit biillain mas ii leat dáhkki, loahpaha Lindgren.

Ruoŧabealde iežá namm

Sámi Grand Prixe lea ruoŧabealde Samiska Melodifestivalen. 2022:s leai SVTsátta vuosttaš gearddi sámegillii ja diibmá ledje ruoŧagielat ságasteaddjit. Dán jagi gis SVT njuolggosádde ovttas NRK:ain.

Gilvvus lea nugo dábálaččat guokte suorggi, guhtta lávllu ja guhtta luođi. Leat geahččit mat válljejit vuoiti iešguđetge suorggis ja geahččit Ruoŧas jienastit Melodifestivaleáppas.