Javascript är avstängt
Guorahalli 25 jagi unnitlogulágain: ”Unnitloguálbmogat stivrjit ieža”
Vaikko vel leage 25 jagi unnitlogupolitihkain, de bargu unnitloguálbmogiid vuoigatvuođaiguin ja gielain ovdána ain njozet. Ovddeš unnitlogupolitihkalaš čielggadeaddji Lennart Rohdin lea kritihkalaš.
– Ain leat oalle stuora váttisvuođat ja hástalusat.
Dán vahku unnitlogubeaivvis Society Expo Syöldates loktejuvvojedje Ruoŧa našuvnnalaš unnitloguálbmogiid giella,- riekte- ja identitehtagažaldagat.
Lennart Rohdin, gii searvvai hábmeme nášuvnnalaš unnitloguálbmotlága, čilge barggus mii lea veaháš ovdánan – muhto mas ain ollu váilu.
– Mu logaldallamis čalmmustahtten daid oalle stuora váttisvuođaid ja hástalusaid mat ain leat unnitlogupolitihkas.
Davvisámegiella
Son čujuha ahte dál lea vássán 25 jagi dan rájes go politihkka álggahuvvui – muhto ahte čađaheapmi lea njoahci.
– Stádas ja gielddas manná oalle njozet dáinna unnitlogupolitihkain.
Seammás son deattuha ahte ovdáneami leat eanas áiggiid jođihan unnitloguálbmogat ieža, ja ahte gielat leat nannoseappot dál go ovdal.
Gelbbolašvuohta váilu
2024 rájes lea Syöldate leamaš sámi hálddašangielda, mii mearkkaša ahte lea erenoamáš ovddasvástádus fállat bálvalusaid sámegillii.
Oktiiheiveheaddji Ulla-Maija Pesosa jelgii bargojuvvo aktiivvalaččat giela ovddideaddji doaimmaiguin dego ovdaskuvlaoahpahusain, boarrásiiddikšumiin ja almmolaš bálvalusaiguin giela ektui..
– Guovddáš min barggus lea gávdnat gelbbolašvuođa, danin go dat lea mearrideaddjin.
Ovttasráđđi
Gielda bargá maiddái ovttasráđiid unnitloguálbmogiin, sihke rávesolbmuiguin ja mánáiguin. Ságastallamiin nuoraiguin boahtá čielgasit ovdan makkár váttisvuođat ain leat. Dávjá lea sáhka das ahte oažžut doarjaga servodagas, erenoamážit nállevealaheamis ja olggušteami oktavuođas.
Ovttasbargu
Susanne Pingi Avander, Syøldate sámesearvvi ságadoalli, muitala mot ovttasbargu gielddain doaibmá.
– Mis lea buorre gulahallan gielddain, sii guldalit min dárbbuid, dadjá Pingi Avander.
Relaterat
Så arbetar vi
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.