Sápmi

Historjjálaš traumat ja psyhkalaš dearvvasvuohta gullet oktii

Uppdaterad
Publicerad

Historjjálaš traumat ja vealaheapmi váikkuhit psyhkalaš dearvvasvuhtii – dan čájeha sámi álbmotdearvvasvuođa iskan.   

-Dát guoská buotlágan traumaide, go dat váikkuhit psyhkalaš dearvvasvuhtii, dadjá morašterapevta Anna Parfa.  

Sámi álbmotdearvvasvuođaiskan čađahuvvui guovtte jagi áigi. Dál leat iskkadeami vuosttas raporttat almmuhuvvon. Iskan leat earret eará mo sápmelaččat birgejit dál, geat leat vealahuvvon, loavkašuhtton dahje ellet bearrašis dahje birrasis mii lea vásihan historjjálaš traumaid.   

– Historjjálaš traumain ja dálá psyhkalaš dearvvasvuođas lea oktavuohta, dadjá psykologa ja dutki Jon Petter Stoor,  

Stoor muitala, ahte historjjálaš traumaid dálkkodeapmi lea viiddis dutkansuorgi, muhto Sámis ii leamaš nu stuorra beroštupmi dasa.    

– Mu mielas lea hui miellagiddevaš go dat boahtá ovdan dál, dadjá Stoor.  

”Massimiid dálkkodit sámi kultuvrras”  

17 jagi lea morašterapevta Anna Parfa doallan nu gohčoduvvon moraškurssaid. Son bargu dávista sámi álbmotdearvvasvuođaiskama bohtosiid, maid mielde psyhkalaš dearvvasvuođas ja traumain lea oktavuohta. Dán vahkus logaldallá son vuosttas geardde Sámi dearvvasvuođa máhttofierpmádahkii das, mo massimiid galgá dálkkodit sámi kultuvrras.    

– Buot dološ traumat, beroškeahttá mat leat váikkuhit psyhkalaš dearvvašvuhtii, muitala Anna Parfa.  

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.