Javascript är avstängt
Jagi maŋŋil: Eamiálbmotjođiheaddjit ain Guatemala giddagasas
Eamiálbmotjođiheaddjit Luis Pacheco ja Hector Chaclán leaba jagi giddagasas čohkkán Guatemalas jagi, sivahallon earret iežá terrorismii ja lobihis ovttastumiide.
Dál lea sudno rájusgiddagas guhkiduvvon vel viđain mánuin seamma go máŋga olmmošvuoigatvuođaorganisašuvnna gáibidit dál ahte sudno ferte luoitit.
Jahki lea gollan dan rájes go Guatemala eiseválddit válde gitta Guatemala várre energiijaministara ja ovddeš eamiálbmotjođiheaddji Luis Pacheco ja su ovddeš bargoskihpára Hector Chaclán. Soai sivahallojuvvoba earret iežá terrorismii, lobihis ovttastumiide, muhto soai biehttaleaba rihkkosiidda.
Cuoŋománu loahpas dieđihuvvui ahte sudno giddagasáigi guhkiduvvo vel viđain mánuin.
Válggat 2023
Buot álggii dan riidduvuloš válgaáigodagas Guatemalas 2023:s, goas ovddeš diplomáhtta Bernardo Arévalo vuorddekeahtes válljejuvvui presideantan. Máŋga našuvnnalaš aktevrra vuostálaste válgabohtosa ja riikka áššáskuhttineiseváldi geahččalattai iešguđetlágan vugiiguin eastadit Arévalo oažžume fámu. Riikkas bohciidii politihkalaš heahtedilli.
Luis Pacheco, ovddeš Los 48 Cantones organisašuvnna jođiheaddji, jođihii čakčat 2023:s stuora vuostálastimiid áššáskuhttineiseválddi daguid vuostá. Associated Press jearahallamis cuoŋománu 23. b. 2026 dajaiba guktot jođiheaddji ahte miellačájeheamit galge suddjet riikka demokratiija ja ásahusaid.
”Olmmošvuoigatvuođarihkkumat”
Dál gáibidit máŋga olmmošvuoigatvuođaorganisašuvnna, nu go Amnesty International ja Human Rights Watch ahte sudno galgá luoitit giddagasas. Preassadieđáhusas čállá Ana Piquer Amnesty International:
”Luis Pacheco ja Héctor Chaclán eabá livčče galgan váldit giddagassii. Soai váldojuvvuiga gitta ja áššáskuhttuiga go leigga searvan ráfálaš miellačájehemiide ja bealušteigga iežaset báikkálaš servodaga. Dat ii leat vuoiggalaš. Juohke beaivvi go soai čohkkába giddagasas, loavkiduvvojit sudno olmmošvuoigatvuođat ain eanet.”
Relaterat
Så arbetar vi
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.