Go Global Investigate journalism conference lágiduvvui Göteborgas ovddit vahku lei álgoálbmotjournalistihkka guovddážis moadde panelain.
– Lea hui stuora inspirašuvdna oaidnit movt guorahalli journalisttat barget, dadjá okta oasálasti, Moana Maniapoto, guhte lea reporttar ja prográmmajođiheaddji Whakaata Mãoris, Maori Television.
Son lea bargan dego journalistan njeallje jagi ja soaitá leahkit eanemus dovddus su čuojahanjoavkkun Moana& the Tribe New Zeelandas ja su dokumentearain.
Álgoálbmogat sierra oasiin máilmmis
Konferánssas láidii Maniapoto álgoálbmotpanela ovttas Tristan Ahtonin, Brittnay Guuyot ja Tuhi Martukawain, visot sin leat álgoálbmot ovddasteaddjit sierra oasiin máilmmis.
– Lea dehálaš ahte mii sáhttit deaivvadit ja fierpmástit muhto maiddai oaččut inspirašuvnna gávdnat ođđa vugiid bargat dadjá Moana Maniapoto gii dadjá ahte vaikko sis lea stuora gaskka nuppiide de sis aŋkke leat olu sullasašvuođat.
Lea duppalhástalus leahkit álgoálbmotreporttar ja seammás koloniserejuvvon.