Norgga stuorimus bieggafápmopárkka ii leat lobálaččaid sajáiduvvan
Ii lean dohkálaš mearrádus addit huksenlobi Norgga stuorimus bieggafápmopárkii Øyfjelletis, Mosjøen gilis, Vaapsten tjieltes, dan dadjá Holgolátti lágamánneriekti. Muhto bieggafápmorusttegiid doaimma ii váikkuhuvvo, dieđiha NRK Sápmi.
Torsten Appfjell lea Jillen-Njaarke orohatjođiheaddji ja duopmu illudahttá su, muhto son dadjá ahte dat badjel logijahkásaš proseassa lei divrras. Holgolátti lágamánnerievtti duopmu lea jur nuppe ládje go Helgelándda diggegotti duopmu mii bođii beannot jagi áigi.
– Dovdo dego riekti ipmirdii maid mii dajaimet šiehtadallamiin. Soaitá leat dat dovdu, ahte guldaledje min, dadjá Appfjell.
Davvisámegiella
Lágamánnariekti dadjá ahte lohpeohcamuš ii lean doarvái guorahallon ja sivat áššemeannudeamis fámuhuhttá dan. Bieggafápmorusttegiid geažil ii leat šat nu álki vuojehit bohccuid johtingeainnus. Vaikko leat heajos váikkuhusat guovllu boazodollui de eai leat dan veara duođalaččat ahte rihkkot ON:a eamiálbmotrivttiid konvenšuvnna. Øyfjellet Wind AS dubmejit máksit Jillen-Njaarke diggegoluid – badjelaš njeallje miljovdna norgga ruvnnu.
Bieggafápmorusttegiid eai bisset
Vaikko lágamánnariekti oaivvilda ahte bieggafápmopárka ii leat lobálaččaid sajáiduvvan de eai áiggo heaittihit ráhkadusa dakkaviđe.
Advokáhtta Jonas Altinius ovddasta Jillen-Njaarke ja son dadjá ahte duopmu lea dehálaš vuoitu boazodoalu boahtteáigái. Su jelgii duopmu lea čielga signála eiseválddiide das makkár boahtteáiggi gáibádusat leat lohpeproseassaide mat gusket boazodollui. Loga olles artihkkala NRK Sámis.
Relaterat
Så arbetar vi
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.