Javascript är avstängt
Uhkadus giddet skuvlla fuolastuhttá giliolbmuid: ”Skuvla lea gili geađgejuolgi”
Badjesáhpi skuvla lea áitojuvvon heaittihuvvot. Go ohppiidlohku njiedjá ja lea váttis gávdnat oahpaheddjiid, de lea skuvla dál áitojuvvon heaittihuvvot.
Oallugiidda gilis lea dás sáhka eanet go dušše oahpahusas.
– Skuvla lea muhtin ládje gili geađgejuolg, ja livččii hui váivi jus skuvla heaittihuvvo, dadjá ovddeš oahpaheaddji Katarina Nutti.
Dán jagáš skuvlaloahpaheapmi sáhttá leat maŋemus mii dollojuvvo Bajdje Sohppara skuvllas. Jus gieldda evttohus čađahuvvo, de eai leat oahppit čakčii. Duogáš lea go ohppiidlohku lea sakka njiedjan.
– Mii leat čieža oahppi dáppe, njellji iešguđetget luohkas, ja lea čielggas ahte dat buktá hástalusaid, mii leat unnit čakčii. Šadda olu váddásit jođihit skuvlla, ja fertejit maid leat oahpaheaddjit, lohká Rune Engström, guhte lei sadjásažžan dán giđa.
Davvisámegiella
Engström lea áŋgirit bargan skuvlla ovddas. Son lea bajásšaddan Gironis, lea orron eanas áiggi Stockholmmas ja lea máŋga jagi bargan poliisan. Son lea ovdal poliissaid oahpahan Poliissaallaskuvllas.
Go gielda dárbbašii bargiid, de bivde su veahkehit.
– Rektor válddii oktavuođa go lei dárbu oahpaheaddjiide. Háliidin bargat gieldda ja Sohppara ovddas.
Buktán fuola
Sáhka skuvlla eahpesihkkaris boahtteáiggis leat bohciidahttán dávisteami váhnemiid ja giliolbmuid gaskkas. Katarina Nutti lea orron Badje-Sopperis 35 jagi ja lea bargan skuvllas measta 20 jagi. Su iežas mánát leat vázzán skuvllas, ja dál son lea fuolas das maid heaittiheapmi mearkkaša su áhkkubidda.
– Mus leat áhkkubat geat hede álget skuvlii. Jearaldat lea ferte go fárret dahje rievdadit eallinplánaid? Dat mielddisbuktá maid bargosajiid gillái.
Unnit oahppit
Rektor Viktoria Björklund muitala ahte evttohus heaittihit skuvlla ii leat vuosttažettiin ruđalaš seastin, muhto ferte sihkkarastit ovttaárvosaš i oahpahusa. Go ohppiidjoavkkut šaddet ilá unnit, de šaddá váddáseabbon fállat máŋggabealat oahpahusa, čađahit joavkobargguid ja ráhkadit sosiála oktavuođaid.
– Skuvla lea sihke fágaoahpahus ja demokratiijaoahpahus, ja lea hui váttis čuovvut oahppoplána go leat nu unnán oahppit, lohká Björklund.
Guhkes skuvlamátkkit
Seammás lea suohkan árvvoštallame váikkuhusaid ja plánet vejolaš čovdosiid jus skuvlla giddejuvvo.
– Jus skuvla giddejuvvo, de šaddet oahppit mátkkoštit guhkit gaskkaid, ja gielda lea danne bargame váikkuhusguorahallamiin, mii earret iežá guoská skuvlasáhtuide.
Vánhemiidda ii leat vel addojuvvon makkárge diehtu, go ii leat vel mearrádus dahkkon skuvlla boahtteáiggis. Vurdojuvvo ahte ášši meannuduvvo kultur- ja oahpahuslávdegottis geassemánu 18. beaivvi.
Relaterat
Så arbetar vi
SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.