Sápmelaččaid ráđđedallanortet váldui fápmui 2022. Dat mielddisbuktá ahte ráđđehus ja buot stáhtalaš eiseválddit fertejit ráđđadallat sápmelaččaiguin áššiin mat leat erenomáš deaŧálaččat sidjiide.

Gielddat ja regiuvnnat

Go ráđđedallanortnet viiddiduvvo de dat maid fátmmasta gielddaid ja regiuvnnaid.

– De bohtet ráđđadallangažadeamit lassánit. Mii leat veardidan ahte livččii eambbo dárbu ođđa virggiide vai sáhttit daid hálddašit, dadja Jonsson gii ovddasta Bivdo- ja guolástansámiid bellodaga.

Sámedikkis leat dál juo unnán bargit ja heajos ruhtadilli lea dagahan ahte eai sáhte virgádit ođđa olbmuid.

-Jus mii eat oaččo eanet ruđa de mii fertet gieldit buot ráđđadallamiid ja maid mii de dainna lágain mas ii leat masa ge áhpu, dadjá Håkan Jonsson.

Sáhttá leahkit jearaldat bieggafámus

Sáhttá leahkit plánejuvvon bieggafámpohuksen dahje minerálaroggan mat leat gielddain áigeguovdilaččat.

Dat sáhttá paradoksalalaččat šaddat nu ahte dii oažžubehtet eambbo váikkuhanfámu muhto ehpet sáhte dan ávkkástallat?

-Nu dat fal šaddá, dadjá Håkan Jonsson.