Sápmi
Sametingets kansli i Kiruna. Foto: Marie-Louise Niia/ Sameradion & SVT Sápmi

Geavatkeahtes biila máksá Sámediggái 280 000 ruvnnu

Uppdaterad
Publicerad

Biila mii ii geavahuvvo máksá Sámediggái lagabui 280 000 ruvnnu. Manin biila lea tiŋgojuvvon ja geasa ii leat čielggas.

”Mii diet lea biillaid b*** diđeš”, čállá ovddeš čállingoddehoavda meilas SVT Sápmái.

Láigobiila máksá Sámediggái 7713 ruvnnu juohke mánu golmma jahkái, muhto biilla ii geavat oktage.

Sámedikki stivraságadoalli Håkan Jonsson dadjá SR Sameradioi, ahte biila tiŋgojuvvon bargobiilan ovddeš čállingoddehoavda Fredrik Österlingii. Muhto Österling ieš dadjá, ahte sutnje ii leat gal goassige tiŋgojuvvon makkárge biila.

”Lea vejolaš, ahte lea čállojuvvon su soahpamuššii muhto ovdamunni ii geavahuvvon”, čállá son SVT Sápmái.

Håkan Jonsson dadjá SR Sameradioi, ahte geahččalit dál cealkit eret láigosoahpamuša, muhto lea eahpečielggas leago dat vejolaš.

– Dán gollui ii leat juolluduvvon ruhta. Dasto fertet eará osiin váldit ruđa, ja dat ii leat buorre, lohká son Sámirádioi.

Guldal jearahallama Håkan Jonssoniin SR Sameradio siidduin.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.