Sámediggeválggaid 2017:s oaččui Sámiid Riikkabellodat 23,78 proseantta jienain. 2021 oaiveiskkadeamis oaččui bellodat 22 proseantta, muhto válggain oaččui 19,4 proseantta ja guhtta mandáhta ja šattai Sámedikki nubbin stuorimus bellodat.

Dál ii leat go váile mánu dáidda válggaide, muhto jus livčče válggat dál de livčče bellodat massán ollu jienaid ja oččolii duššefal 13 proseantta jienain. Dan vuoseha Novus-iskkadeapmi maid Sámerádio ja SVT Sápmi leat diŋgon.

– Deháleamos lea ahte mii vuoitit válggaid ja oažžut iežq stivrejumi Sámediggái. Dát iskkadeapmi addá midjiide fámu bargat buori barggu válggaid rádjái ja vuosehit min politihka nannen dihte sámi servodaga. Min bellodat lea viiddis ja mii fertet buoridit movt ovdanbuktit manin min gánnáha jienastit, makkár ovdamunit das leat dadjá Sámiid Riikkabellodaga ságadoalli.

Lehpet go nákcenovdanbuktit din politihka dán mandáhttaáigodaga?

– Dát iskkadeapmi vuoseha čielgasit ahte mii eat lea dan dahkan ja dan mii fertet vuhtii váldit ja geahččalit olahit. Sosiala mediat gal livčče, muhto muđui eai leat iežá vejolašvuođat, áidna vejolašvuohta leat dievasčoahkkimat mándáhttaáigodagas.