Sápmi

Javascript är avstängt

Javascript måste vara påslaget för att kunna spela video
Matti Blind-Berg lea Sámiid Riikkasearvvi ságadoalli. Foto: Samuel Abrahamsson

Sámiid Riikkasearvi bohccobiergosoahpamuša birra: ”Dat lea hui buorre”

Uppdaterad
Publicerad

Vilhelmina gielda ja gieldda guokte čearu leat šiehtadan ahte čearut galget buktit bohccobierggu jus šaddá soahti vai heahtedilli. Sámiid Riikkasearvi atná ahte šiehtadus lea buorre.

– Dat gal lea hui buorre, dadja ságadoalli Matti Blind-Berg.

Vilhelmina gielda lea ovttas Vilhelmina norra ja södra čearuiguin, dahkan soahpamuša mii mearkkaša ahte čearut galgaba buktit bohccobierggu gildii jus šadda soahti vai heatedilli.

Sámiid Riikkasearvi (RSR) atná dákkár šiehtadusaid buorrin.

-Dat gal lea hui buorre jus váldá vuhtii luonddu riggodagaid mat leat lahkosis, dan min leat guhka sihtan, ahte bidja stuorit árvvu boazodoallui go ovdal leat, dadja Matti Blind-Berg, Sámiid Riikkasearvvi ságadoalli.

Addá stuorit árvvu

Ođđa soahpamuš mearkkaša ahte gielda sáhttá várret 3 000 gilo bohccobierggu čearuin gieldda skuvllaide ja dikšun- ja fuolaheapmái.

Vilhelmina södra ságadoalli Mathias Blind, oaivvilda ahte dákkár soahpamušat addet stuorit árvvu boazoealáhussii. Sámiid Riikkasearvi lea ovttaoaivilis.

-Dat sáhttá addit stuorit árvvu go mii hal šaddat oasalaččat Ruoŧa ollislaš suodjalusas ja gearggusvuođaplánas, nu dieđusge lea hui buorre, dadjá Blind-Berg.

Doivo ahte eará gielddat čuovvolit

Matti Blind-Berg lea dál Stockholmmas gos lea čoahkkin ráđđehusain Ruoŧa biebmogálvodoaimmahusa birra jus šadda soahti vai heahti.

Son sávvá ahte soahpamuš čearuid ja Vilhelmina gieldda gaskkas sáhttá váikkuhit earáid.

-Dat sáhttá rávvet iežá gielddaid miehta Sámi.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.