Son bargá Sámi dearvvašvuođadutkan guovddážis Norggas ja čilge ahte seksuálalaš illasteami nissoniid vuosttá lea negátiivvalaš dievdokultuvra.
-Leat eanemusta mánát, nissonat ja bárdnemánát mat gillet illásteami.
Astrid M A Eriksen váillaha dievdduid oainnu ja jurdagiid dán áššis.
-Maid sii jurddašit? Maid sáhttet dahkat rievdadisgoahtit dán kultuvrra? Lea hárve divdu mii ságastalla dás ja mon sávan ahte eanet dievddut maid servvaše ságastallamiidda.
Jennie Branden, dutki Ubmeje universiteahtas, searva maid dán áigodaga máŋŋemus programmii.Son barga dutkanprošeavttas illasteapmi sáminissoniid vuostta maid Sámediggi ruhtáda.
Earret eare son dutka illásteami viidodaga ja makkar doarjaga nissonat ožžot.
-Seksuálalaš illásteapmi sáminissoniid vuostta lea stuora hástalus.