Östersund Staaren Pride doalut álge bearjadaga 25 b. borgemánus ja bisttet 3 b. čákčamánnui. Leat earet eara Sámediggi, Staare gielda ja regiovdna Jämtland Härjedalen mat ruhtádit doaluid.

– Dán jagi ii leat ovttasbargu Sápmi Priden, muhto bassin mii doallat paneladigaštallama maid mii lágidit ovttas siiguin, dadja William Stenvall Zetterström.

Eamiálbmotregiovdna

Lea dattege deaŧalaš loktet sámivuođa dáin doaluin- ovdamearka dihte namas Östersund Staaren Pride ja bidjat oarjánsámi jorgalusaid almmolaš ruktosiidui, dadja Stenvall Zetterström.

– Jämtland Härjedalen lea eamiálbmot regiovdna ja danne lea min mielas deaŧálaš.

– Staares leat queera sámit muhto eai albma deaivvadanbáikkit ja min mielas lea deaŧalaš ahte gávdnojit báikkit gos besset deaivvadit.

Dear Sara lávdde nalde

Eanemusta oasseváldit Östersund Prides ledje ovttasbargojagis 2018 muhto Willian Stenvall Zetterström jáhkka ahte dat olahus ii čuoččo máŋŋel dán jagáš doaluid.

– Dán jagi mii leat bargan daidda doaluide eanet go ovdal leat. Mis leat máŋga sekšuvnna mat leat almmuhan pridetogai ja de mis leat maid eanet artisttat.

Ođás dán jagi lea ahte doalut bisttet logi beaivvi, eai 2-4 beaivvi, dego ovdal Bearjadateahkeda álggahuvvo dat stuora pridefeasta Storsjøteáhteris ja artisttat mat dalle servet leat Admira Thund erpussy  ja ruoŧa/sámi artista Sara Nutti mas lea artistanamma Dear Sara.