Dokumentáraráiddus johttá Instagramprofilá “Miss Freerider” Tanja Nordfjell ja su ustit singersongwriter-artista Saara Hermansson jea deaivá skohtervuoddjiid.
”In máhttán olus maidige”
Soai oassálastiba ”Gamm”-skohtergilvui Burkarcupas ja geahččaleaba vuoddjit luovosmuohttagis. Muhto beassaba maid hárjehallat oljjuid lonuheami ja skohtera divvuma.
– In máhttán olus maidige skohteriid birra, muhto dál sáhtán álggahit “Sara Race ja Mek”, dadjá Saara Hermansson preassadieđáhusas.
”Ledjen balus”
Sutnje lei olu ođas go báddejedje prográmma. Muhto nu maiddái hárjánan skohtervuoddji Tanja Nordfjell beasai iskkat iežas rájáid.
– Ledjen veháš balus ovdalgo galgen crossabánas vuoddjit máilmmemeašttir Petter Nårsa vuojániin. Diet lea áibbas eará go dábálaš luovosmuohttagis vuoddjit, dadjá son.
Prográmmas hállet sihke sáme- ja ruoŧagiela, go prográmmaláidesteaddjit deaivaba Emma Hallnor, Petter Nårsa, Elias Lindberg ja Laara Gråik.
Vuosttaš oassi ”Skohter lea eallin”-ráiddus lea oaidnimis SVT2:žis gaskavahku skábmamánu 16. beaivvi diibmu 20.00 dahje jo dál SVT Play bokte.