Vaikko jearaldat čearuid siskkáldas organiserema birra maŋiduvvui de sámediggestivra sáddii mánnodaga sisa sin iežas evttohusa ráđđehussii.  

 Erika Jannok moaitá stivrra láhttemuša dán áššis. 

– Mun anán lea veháš fasttiid dahkkon.  Sii geat oasalaste dievasčoahkkimis ovddastit válljejeaddjiid ja stivra ii leat váldán vuhtii válljejeaddjiid oaiviliid ja baicce válljen dahkat nu movt ieš leat háliidan.  

 Dál son surrá movt evttohus rahpat čearuid visot sápmelaččaide váikkuha boazodollui.

-Lea min čoahkkananbáiki gos mii sáhttit deaivvadit ja hupmat áššiid mat gusket boazodollui. Jus visot sii geat eai gullo boazoealahussii galget beassat šaddat miellahtut ja mearridit dan birra, dat dovdo fas ahte boazodoallu bidjojuvvo doaresbeallái.

Jannok atná seammás ahte jearaldat gii ja geat galget oažžut rievtti geavahit eatnamiid  lea váttes jearaldat.

  – Dasa lea váttis gávdnat vástádusa. Eai sii ieža ge oro máhttimen vástidit dan jearaldahkii, dadjá Erika Jannok.