Ášši lea ruvkefitnodaga Talga biraslobiohcama birra Njunisváris Vazážis, Norrbottenis, Dálmmá dálveguohtoneatnamiin.   

Čearu sátnejođiheaddji Aslak Allas doaivva lea dán ášši vuoitin šaddat.   

– Mii áigut čájehit ahte ruvke ja boazodoalli čága dán guvlui, dat šaddet menddo stuorra vahágat boazodollui jos ruvke ásahuvvo dokko. Mii manahat buot nuorta beale guohttoeatnamiid jos ruvke ásahuvvo dokko, mat leat gilvvarájá nuortta bealde ja min birra jagi eatnamat, muitala Aslak Allas.  

Čearru áiggošii bissehit ruvkeásaheami ja ággan lea ahte riikkaidgaskasaš konvenšuvnnat suddjejit čearu vuoigatvuođaid.  

– Mis lea nana ja čielga vuoigatvuođat, iige sáhte beare váldit eret mis, dadjá Aslak Allas.