Sápmi

Javascript är avstängt

Javascript måste vara påslaget för att kunna spela video
Talma sameby får under torsdagen besked om hur EU vill gå till väga för att bli mer självförsörjande på kritiska metaller. I klippet hör du Aslak Allas, ordförande i Talma sameby. Foto: Hans Sternlund/SVT

EU háliida lasihit minerálaroggamiid – sáhttá dagahit eanet sisabahkkemiid

Uppdaterad
Publicerad

EU-kommišuvdna ovdanbuktá odne láhkaevttohusa das mo EU ieš galgá buvttadit stuorát oasi dehálaš minerálain.   

Muhto máŋgga sajis ruvkeplánat vuostálagaid eará beroštumiiguin. Nu lea dilli Talga grafihttarogganplánaiguin Dálmmá čearu dálveguohtuneatnamiin Girona gielddas.

Dálmmá čearru lea vuosttildan grafihttarogganplánaid ja áššis mearrida fargga eana- ja birasduopmostuollu. Duopmu vurdojuvvo cuoŋománus.  

Čearru lea vuosttildan plánaid 2015 rájes go čielggai ahte ruvkeplánat šadde konkrehta.   

Máŋga jagi vuosttildan  

Eai leat dušše guohtumat maid masset. Čearu sátnejođiheaddji Aslak Allas ballá, ahte bohccot gavdnjejuvvojit eret dán guovllus.  

– Lea soica, riedja ja vaikke mii. Bohccot ballet ja garvet dán guovllu, dadjá son  

Álgoálbmotvuoigatvuođat  

Gažaldat lea álkkidahttágo EU láhkaevttohus dehálaš minerálaid háhkamis ruvkeásahemiid guovlluin gos leat iešguđetge eanangeavahanberoštumit. Šaddet go dát vuostálagaid álgoálbmotrivttiiguin?  

– Dát lea mu mielas vuohki álkidahttit ruvkeásahemiid. Muhto álgoálbmotvuoigatvuođat leat dehálaččat, dadjá Aslak Allas. 

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.