Doaibma govvidduvvo dego ”reaidun váldit Norrbottena olggos máilbmái ja maid váldit vuosttá máilmmi Norrbottenii”.

Preassadieđáhusa jelgii plánejit justte dal vihtta musihkkabuvttadeamiid maid almmuhit 2025. Dalle galget musihkkalaš deaivvadeamit šaddat duohtan. Jurdda lea ahte musihkkárat Norrbottenis, Sámis ja nášuvnnalaš unnitloguin galget bargat ovttas lávttenalde nášuvnnalaš ja riikkaidgaskkasaš ártisttaiguin geain lea ollát iežá duogáš.

Ulbmil lea viidodit musihkkafálaldaga ja maid nannet sámiid sajádaga musihkkasuorggis.

-Dainna ođđa doaimmain beassat loktet min historjjá ja min muitalusaid seammas go kreatiivalaš olbmot sierralágán duogážiin besset deaivvadit, dadjá Annelii Backman, leana musihkkahoavda Norrbottenmusihkkas, preassadieđáhusas.

Anette Winblad von Walter, Region Norrbottena kulturhoavda illuda čuovvut dán doaimma.

– Lea hui buorre ovdáneapmi ahte Norrbottena iežas jietna ožžo saji sihke nášuvnnalaš ja riikkaidgaskkasaš kártás, dadjá son.