Javascript är avstängt

Javascript måste vara påslaget för att kunna spela video
Se första bilderna från inspelningen av julkalendern där Ella-Márge Nutti (t.v) spelar storasystern i familjen.

Nu šadda SVT:a juovlakaleandar 2024: “Mágihkalaš duottarmáilbmi”

Uppdaterad
Publicerad

Dál lea boahtte jagaš juovlakaleandar álgán báddejuvvot – ja vuosttas gearddi lea sámi  veaga birra. 

SVT Sápmi lei sajis go báddemuš  álggii Kåbdalis Norrbottenis ovddit vahku. 

Mun lean sihkar ahte “Snödrömmar” boahtá darvehit olles veaga, dadjá Anna Croneman prográmmajođiheaddji drámáoasis SVT:as. Lea vel golbma mánu vuosttas čájálmassii dán jagaš juovlakaleandarii   “Trolltider- legenden om Bergatrollet”. Muhto báddemuš boahtte jagaš juovlakaleandarii “Snödrömmar” lea juo álgán.

Muohta ii boađe 

Boahtte jagáš juovlakaleandar čilgejuvvo dego juovlavásáhus mii dáhpáhuvvá magihkalaš duottarmáilmmis. Lea oarjánsámi veaga birra geat jođihit čierastanossodaga go fáhkkestaga ii boađe muohta. Juohke sajis muohttá- muhto ii sin duoddaris. Guokte oappážagat veagas, Ristin ja Áila, šaddaba dál geahččalit gávdnat čovdosa mii duođain lea dáhpáhuvvan.

“Lea leamaš mu niehku”

Mánáid rollas leaba Elle Márge Nutti ja Hedvig Åhrén. Eará rollain mii oaidnit earet eará Anna Åsdell, Pávva Pittja, Olle Sarri, Christine Meltzer, Shirley Clamp ja Måns Nathanaelson. 

– Lea leamaš mu niehku muhto in leat goassege jáhkkán ahte galggai šaddat duohtan neaktit juovlakaleandaris, dadjá Elle Márge Nutti gii neaktá boarrásit oappá veagas. 

Son lea ieš váillahan eanet sámi oaidninguovlluid juovlakaleandariin go son lei unnit.

Hedvig Åhrén neaktá su unnaoappá- guhte lea jođán ja roahkka. 

– Son gean mun neavttán juovlakaleandaris muittuha mu, mun lean maid roahkka ja sáhtán muhtomin dadjat beare olu ja in jurddaš álggos, son dadjá. 

Dál vurdet máŋga guhkes báddenbeaivvit. Juovlakaleandara vuosttasčájálmas lea Juovlamánu 1 beaivvi 2024.  

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.