Listtu lea Eurohpálaš Wergeland- guovddáš ja Narvik-guovddáš ráhkadan, ovttas Innlandet-, Trøndelaga-, Nordlándda-, Romssa- ja Finnmárkku- fylkkaid nuoraidráđiiguin. Jurdda lea ahte listu galga sáddejuvvot buot gielddaide ja fylkkaide ja dan ovdanbukte ”Sammen mot samehets” doalus. Dát lea listu masa politihkkárat sáhttet merket dađi mielde go olašuhttet doaibmabijuid sámevaši vuostá

Čálmmostahttin dihte

– Doaibmabijuid ferte čáđáhit čalmmostahttin dihte sápmelaččaid servodagas ja ahte eai vašuhuvvo ja givssiduvvo, dadja 18 jahkásaš Thea Matilde Moldstad, Innlánddas, NRK:ii.

Doaibmabijut mat livčči sáhttan leahkit mielde listus leat ovdamearka dihte:

☐ Leago gielda dahkan doaibmaplána sámi ovttadahkii?

☐ Barget go skuvllat aktiivalaččat eastadit cielaheami, soardima ja vaši.

Čalmmostahttit dili

Nuoraidráđit oaivvildit ahte okta deaŧálaš ulbmil dáinna listtuin lea čalmmostahttit sápmelaččaid dili..

Birásbellodaga Lan Marie Berg dadja NRK:ii ahte buot deaŧalamoš lea ahte servvodat dovddásta dan mii lea dáhpáhuvván ja ahte stuoradikki politihkkárat ipmirdit dan veahkaváldima mii lea dáhpáhuvvan.

– Olmmoš ii riekta ipmir man garrasit dát čuohcá ja ahte dan man dadja vai dahka duođas lea heivetmeahttun, dadja säger Even Aleksander Hagen (Bb).

Beroštupmi ruoŧa bealde

Ruota bealde gávdno maid vášši sápmelaččaid vuostá. Dan gávnnahii earret eará Rihkkoseastadan ráđi raporta duvle giđđát. Doppe muitaluvvo verbála falleheamit, njunnálagaid, telefovnna bákto ja sosiála mediain.

Arendalvahkku leat doalut mat dollojuvvojit Arendalas Norggas ja dat sulástahttet Ruoŧa Almedalsvahku.