Maŋŋel go Girjiis- čearru vuittii rievttis- ja oaččui lobi hálddašit bivdo- ja guolásteami duoddaris sin guovlluin- de stáda válljii namahit láidumkomitea geahčadit boazodoallága. 

Duorastaga bohtet vuosttas bohtosat lavdegotti barggus. Oasseraporta mas leat badjel 700 siiddu. 

Čearut sáhttet beahttaluvvat

Girjásduopmu lea dagahan soahpameahttunvuođa davvin. Dát oidnui earrelihkkan válgagiččus gos máŋga bellodagat davvi Ruoŧas oasálaste válggaide bivdo-  ja guolle jearaldagaiguin – vaikko eai leat jearaldagat maid gielda dahje regiovdna stivre. Čearut leat maiddai vásihan ahte earet eará bohccuid falleheamit leat lassánan. Sáhttá leahkit boađus dan garra digaštallanáššái mii dál lea. 

Sii geat leat vuordan ahte láidumkomitea galgá buktit čovdosa, sáhttet beahtahallat go oasseraporta álmmostuvvu. 

Láidumkomitea gávnnaha ahte čearut áiggi mielde galggaše oaččut hálddašit bivdo- ja guolásteami, muhto eanet movt dat galggašii doaibmat boahta ovdan loahpalašrapportas 2025. Dassážii gullo dat riekti dušše čearuide geat leat vuoitán stáda vuosttá rievttis deattuha láidumkomitea. 

“Lea čearuid riekti” 

Matti Blind Berg, sátnejođiheaddji RSR:as ja ovddit sátnejođiheaddji Girjjis čearus, lea beahtahallan. Dan rájes go dieđut suoli juhkkojuvvon komiteas leat unnimusat guokte čearu álgán ráhkkanit stevdnet stáda- ja Blind Berg sávvá ahte eanet čearut válljejit dahkat dan seamma.