Sápmi

Javascript är avstängt

Javascript måste vara påslaget för att kunna spela video
Hör vinnaren Saara Hermansson. Foto: SVT

Saara Hermanssona luohti digaštallo Sámi Grand Prix vuoittu maŋŋá

Uppdaterad
Publicerad

Lávvordaga šattai Saara Hermansson historjjálaš. Son vuittii Sámi Grand Prix nuppi geardde. Muhto su luohti digaštallo sosiála mediain. 

-Olbmuid mielas soaita leat nu ahte muhtun geas lea juoiganárbevierru leamaš ollis eallima ánssáša vuoitit, seammás go mon lean váldán dan ruovttoluotta, son lohká.

Saara Hermansson lea ain hirpmástuvvan lávvordaga vuoittu mannjil, go SVT Sápmi ságasta suinna.

– Šaddá vuogas duoddarii vuolgit ja jurddašit mii lea dáhpáhuvvan, son lohká.

Váttis buohtastahttit 

Njeallje jagi áigi son vuittii lávlunoasi Sámi Grand Prixas. Dán jagi son vuittii juoiganoasis.

– Lea váttis buohtastahttit. Lávlunoasis leai lávlla mii mearkkašii olu munnje. Dasa lassin leai maid vuosttas geardde go vuiten.

Juoiganoasi vuoitit leai earálágan vuoitu, Saara mielas.

– Juoiganárbevierru ii leat leamaš nu nanus mu veagas. Mon áinnas háliidan nannet dan boahttevaš buolvvaide.

Identiehta digaštallo

Saara Hermanssona ruohttasat leat Vualtjeres Västerbottenis, ja son ovdánbuvttii luođi oarjánsámegillii.

Sosiála mediain ledje dakkaviđe reakšuvnnat. Olbmuid mielas Saara luohti ii leat albma luohti. Muhtumat digáštalle jus Saara obanassii lea albma sápmelaš. Son lea okta dain gii guhká aktiivalaččat lea bargan sámi árbbi váldit ruovttoluotta – árbi mii ii leat nu nanus leamaš su sogas. 

Got du mielas lea go dát digaštallo?

– Mu mielas lea digaštallan dehálaš. Mii eat galgga ballat digaštallat dán ášši. Sámis mii leat ollen áigái go olu dáhpáhuvvá. Lea dehálaš ahte mii ságastallat gullevašvuođa ja árbbi birra ja got daid hálddaša.

”Juohkelágan luođit”

Seammás ii leat nu dábálaš ahte oarjánsámi luođit ožžot stuora saji gilvvu oktavuođas, mii juohke jagi lágiduvvo Guovdageainnus davvi Sámis. Saara Hermanssona mielas eat galgga atnit iešgudetlágan juoiganvieruid gilvaleaddjin.

– Sápmi lea nu stuoris ja mis lea sadji juohkelágan luđiide ja juoiganárbevieruide, Saara lohká.

Geahča go Saara Hermansson čilge jurdagiid! 

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.