Sápmi

Javascript är avstängt

Javascript måste vara påslaget för att kunna spela video
Foto: Stefan Karlsson/SVT Sápmi

Sara Labba: Sohppar sámesearvi mearkkaša olu munnje

Publicerad

Bearjadaga álggahuvvo Sohppar sámesearvvi 70-jagi ávvudeapmi mii bistá olles vahkkoloahpa ja loahpahuvvo ipmilbálvalusain bassin.

Sara Labba lea ráhkkaneamen sámesearvvi ávvodoaluide. Son galgá ovttas mánáiguin jođihit duodječájáhallama.

– Mánát galget vuosehit dujiid maid báikkalaš duojárat leat duddjon, dadjá Sara Labba.

1952 vuođđuduvvui searvi mii dalle namma lei Saarivuoma renskötarklubb. Searvi álggahuvvui dego iežá sámesearvvit dan dihte vai sámit ieža besse vaikkuhit iežaset dilálašvuođa. Ja jagiid mielde searvi lea beroštisgoahtán sihke valástallamis ja sierra kultuvradoaimmain. 

Bearjadaga eahkes rahppojit ávvodoalut ja vahkkoloahpas lágiduvvojit earret iežá ságastallamat, nuoraid doalut, juoigan workshoppa, konsearttat, duodjemárkanat ja olu iežá.

Sohppar sámesearvi lea gávdnon olles Sara Labba eallima ja searvi mearkkaša olu sutnje.

– Juohke jagi lea álot diŋggat mat dáhpáhuvvet maid Sohppar sámesearvi lágida. Dasa lea hárjánan, dadjá Sara Labba.

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.