Javascript är avstängt

Javascript måste vara påslaget för att kunna spela video
I klippet: Aleksandr Slupachik (t.h) om varför han flydde till Norge. Foto: TT/NRK

Šattai báhtarussii go ii doarjjo Ruošša Ukraina soađi

Uppdaterad
Publicerad

Diibmá juovlamánus bođii Aleksandr Slupachik iežan eamidiin Neliin Ruoššas Norgii. Son lea báhtaran go ii doarjjo Ruošša soahtama Ukrainas.  

– Mun lean báhtaran Norgii go dovddan dorvvohisvuođa Ruoššas. Guokte ášši dagahit mu dorvvoheapmin. Mun lean almmolaččat cealkán iežan vuostehágu soahtái. Nubbi sivva gis lea, ahte lea stuorra vejolašvuohta ahte gohččojuvvon soahtái, dadjá Slupachik  NRK Sápmái.  

Guovvamánus diibmá fallehii Ruošša Ukraina. Aleksandr Slupachik lea sámeorganisašuvnna OOSMO jođiheaddji ja cuoŋománus moittii son soađi almmolaččat.    

– Mun almmolaččat lean cealkán OOSMO beales vuostehágu soahtái, muitalaii Aleksandr Slupachik dalle NRK Sápmái .  

”Soahti ii čoavdde áššiid”  

Aleksandr Slupachik oaivvilda ahte soahti ii čoavdde áššiid ja ii leat buorre soahtat sin Ukraina vieljaiguin ja oappáiguin.   

Son muitala NRK Sápmái iežas vásihan moadde unohis dáhpáhusa go vuosttaldii soađi. Muhto ii hálit muitalit duođe eanet dan birra .   

– Mun in leat vel gohččojuvvon soahtái, muhto dieđán ahte sáhttá dáhpáhuvvat. Álgoálbmogiidda stuorát vejolašvuohta gohččojuvvot soahtái go eará álbmogiidda Ruoššas, čilge Slupachik.  

Sámeráđđi doarju su  

Oažžu doarjaga Sámiráđis  

– Aleksandr Slupachik lea jálus olmmái. Son duostá almmolaččat ovddidit iežas oaiviliid, go earát bissot jávohaga. Son lea oaiviliiddis buktán ovdán ja lea oadjebas dilis dál, lohká Sámeráđi váldočálli Aile Javo.   

”Eallin dego bisánan”  

Aleksandr Slupachik lea nubbi ruošša sápmelaš gii ohcá dorvvu Norggas. SVT Sápmi lea ovdal muitalan Andrei Danilov birra gii báhtarii ovdalaš soađi Norgii.   

Slupachik ja su eamit vuordiba dorvoohcama dieđu.   

Jagi 2022 leat boahtán ollu eanet báhtareaddjit Norgi, dán almmuha Norgga Olgoriikadirektoráhta (UDI), namalassii 40 005 olbmo. Dorvoohcamiid meannudanáigi lea guhkkon Norggas, go ollu eanet dorvoohccit leat boahtán Norgii go diibmá.   

Slupachik muitala lea váttis dilli go lea dorvoohcci, eallin dego bisána. Muhto lea ilus go Norggas addá olbmuide dorvvu.   

– Dál mun dušše vuorddašan ja lean eahpesihkkaris dilis. Boahtte áiggis in dieđe maidege, muhto deháleamos lea ahte dovddan iežan oadjebassan, lohká son loahpas.   

Lokal. Lättanvänd. Opartisk. Ladda ner appen nu!

Hämta SVT Nyheter i App StoreLadda ned SVT Nyheter på Google Play

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer