– Vuosttas beaivvi borgemánus bođii ođđa láhka fápmui mii dagaha ahte poliisat álkibut besset gozihit rájiid. Láhka heive bures min sihkkarvuođadillái mii mis dál lea, dadjá Lars Wahlberg, poliisahoavda davit regiovnnas, Jiemtie,norrbottenis,västerbottenis ja västernorrlanta leanas.
Loktejuvvon gearggusvuohta
Lars Wahlberg muitala ahte poliisat leat juo lokten sin gearggusvuođa. Lassánan terrorriáitta lea leamaš guhka, vaikko Säpo lea dál alidan terrordási goalmmát dásis njealjádii.
Ii leat dego pandemi’as
Vaikko rádjegozihemiin norgga ja suoma rájiin ja maiddai hávnnain ja girdinšiljuin boahtá lassánit, de eai boađe giddet rájiid dego pandemiijas dahke.
– De mis lei eará fokus, bissehit dávdda leavvamis. Dál lea sáhka eastadit kriminála doaimmaid, dadjá Lars Wahlberg.
Leanastivrrat ruoŧa Sámis lea čohkken gielddaid ja eará oasálaččaid, geaidda guoskka dát rievdaduvvon terrordássi, diehtočoahkkimiidda.
Eallit deago dábálaččat – muhto várrogasat
– Mii ávžžuhit ahte sis lea sihkkarvuođasadji sajis ja čuovvut eiseválddiid rávvagiid dadjá Magnus Hansson, gearggusvuođadirektevra leanastivrras Västerbottenis.
– Mii ávžžuhit almmolašvuođa eallit nu movt dábálaččaid, muhto váldit vuhtii áitta mii lea. Čuovvut mielde mii dáhpáhuvvá ja ii jáhkkit visot maid lohká.