Gálásjávri lea sullii miilla Girona oarjil, ja gos Gáláseatnu golggiida ja jos jávrriid mielde manná oarjjás, de boahtá Nihkkáluktii ja Giebmegáissi vuollái.
Tomas Stålnacke vásiha ahte 30 jagis lea rievdan ollu, dál goddá eará guollešlájaid firpmiin geassit ja go dálvit oggot jieŋa alde. Dan son vásihii mannan geasige.
Jieŋat suddá árat
– Mii goddit searggehiid, maid eat leat goassege ovdal goddán. Vuskkon lea hirbmadit laskan, muitala son.
Čáhci lea liegganan jávrriin lea sivva dasa, ja váikkuhus maid lea ahte jávrriin ii leat jiekŋa šat nu guhkká ja jávrrit leat eanet suoidniluvvan dán guovllus.