Sápmi

Javascript är avstängt

Javascript måste vara påslaget för att kunna spela video
Sáminuora jođiheaddji ON:a bistevaš forumas New Yorkas. Foto: NRK Sápmi

Kuhmunen mielde árvvolaš listtus: Gudnejahtti

Uppdaterad
Publicerad

Sáminuora sátnejođiheaddji Sara-Elvira Kuhmunen lea mielde boahttevuođa nissoniid njunuslisttus. Dál son lea ON:a bisteváš forumis New Yorkas.

– Lea deaŧalaš loktet iešmearrideami, son dadja.

Juohke jagi almmuha Ledarna listu gos 75 nuorra nissonjođiheaddji leat mielde.

Miessemánu 16 beaivvi almmohuvvo olles listtu muhto dál lea juo čielggas ahte Sáminuora jođiheaddji lea okta sis.

– Lea somá ja gudnejahtti beassat dien listtui, son čálla Instageramii.

Lea New Yorkas

Dál son lea New Yorkas gos oassálastta ON:a bistevaš foruma eamiálbmotgazaldagaide mii bistta cuoŋománu 26 beaivái.

Doppe deaivvadit eamiálbmotovttasteaddjit miehtá máilmmis.

– Lea deaŧalaš loktet min oaiviliid ja ahte nuorat leat dáppe. Dáppe deaiva maid eara eamiálbogiid geaiguin sáhtta ovttasbargat ja beassat muitalit iežas vásáhusaid., son dadja.

Mis lea, seamme go diibmá, ovttasbargu Norggan ja Suomain.

Lea leamaš hui deaŧálaš loktet iešmearrideami ja movt Ruoŧŧa, Norga ja Suopma láhttejit sápmelaččaiguin.

Mii leat boahtteáigi

Kuhmunen doalai maid sártni forumas.

– Mii čáliime sártni ovttas gos muitaleimme sámi nuorain ja ahte mii leat boahtteáigi. Ja lihkká ii oktage guldal min, son dadja ja joatká.

Ruoŧa, norgga ja suoma stáhtat leat doallan oktašas sártni ja muitalan man deaŧalaš lea loktet sámi áššiid. Min iežame sártnis mii čálmmostahtiime ahte ii leat riekta nu min luhtte. Stáhtat barget min vuostta, dadja Sara-Elvira Kuhmunen.

Relaterat

Så arbetar vi

SVT:s nyheter ska stå för saklighet och opartiskhet. Det vi publicerar ska vara sant och relevant. Vid akuta nyhetslägen kan det vara svårt att få alla fakta bekräftade, då ska vi berätta vad vi vet – och inte vet. Läs mer om hur vi arbetar.