– Mii leaimmet ollu nuorat dáppe geat spealaimet spáppa ja čuoiggaimet muhto mis ii lean searvi, Mii leaimmet dego akto muhto de mii jurddaheaimmet ahte mii galgat nai searvvi dahkat ahte beassat mielde leahkit spábbačiekčamis Johkamohkis hellodatkuppas, muitá son.
Sohppar sámesearvi gávdnui juo namain Saarivuoma renskötarklubb, muhto válastallanoassi váillui.
– Mii bijaimet dan mátkái ja álggaheaimmet searvvi fas, muitala Johannes Matti.
Olu lea dáhpáhuvvan ja olu suohttasat leamaš searvvi doaimmas muhto dat mii su millii čuohcá gait eanemus lea Sohppara sámesearvvi vuosttaš vuoitu spábbačiekčamis Johkamohkis.
– Dat mii vuosttažin boahtá munnje muitun lea go mii vuittiime sámekuppa vuosttaš geardde 1971, dat leai stuora illu. Mis han leai dalle stuora hejarklack ja hejarklacksledare ledje, muitala Johannes Matti ja moddji.