Prográmmas mii bistá duorastagas gitta lávvardat eahkedii, leat oahpes áššit maid ságastallet. Ovdamearkka dihtii lea Lisa Röstlundas sáhkavuorru vuovddi birra. Son digaštallá vuovddi rollas Jörgen Stenbergain ja čálli PO Tidholmain.

Patricia Fjellgren fuomášuhttá eanet áššiid main sápmelaččat beroštivčče.  

– Álgoálbmogiid friijavuohta ja hutkáivuohta, dan ehpet galgga massit, dadjá son.   

Dát fáddá lea Kanada ambassáda ja Tjállegohte ovttasbargu. Ságastallamis leat Leanne Betasamosake Simpson, Jalvi Niillas Holmberg ja Lea Simma.  

Duorastaga álgá  

Duorastaga sáhtát čuovvut logaldallama ”Om fjällen, vädret och allt det som ännu inte gått förlorat”. Sáhkan leat dálkkádat, Agenda 2030 ja váikkuhusat boazoguohtumii. Ságastallin leat girječálli Mats Söderlund ja Hanna Berheim Brundin Luonddugáhttensearvvis.  

Earret sámi ja álgoálbmotságastallamat, de fállá Littfest ”Ukraina jienaid” ja ollu eará riikkaidgaskasaš ságastallamiid.  

Prográmma sáhttá maid festivála ruovttusiiddus čuovvut.