Gilvvut leat Bienjedaelies olles dán vahku. Njuolggočierastallama ii beasa hárjehallat váakko gos. Norrbottenis  ja Västerbottenis ii leat nu galle sajis gos sáhttá hárjehallat.   

– Dat lei issoras ja ođas go njuikejin, dan in leat geahččalan goassege ovdal, muhto manná dattege oalle bures, muitala Jon-Ante Persson, Tärna IK Fjällvind.  

Son čierastii máŋga sekundda jođáneappot gilvvus go geahččalančierasteamis.   

Liiko eará surggiide  

Ollu olmmoš ja buorre vuoigŋa lea suohttaseamos nuoraid RM:s.   

Son illuda vahkkoloahpa gilvvuide, go de leat gilvosuorggit maidda liiko buoremusat.   

– Stuorraskirvehallamis ja skirvehallamis birgen ollu buorebut go dan guokte earás, muhto šaddá váttis go earát leat maid čeahpibut dain.   

Áiggut go čierastit šat njuolggočiearastallama?  

– Mun duođain eahpidan dan gal, dadjá Jon-Ante Persson.  

Geahča su njuolggočierastallama nuoraid RM-gilvvuin dás bajábealde.